શૈક્ષણિક સફળતામાં શાળાનો સહયોગ

"ઘર એટલે બાળક માટે જીવવાની તક, શાળા એટલે બાળક માટે વિકાસની તક"

• કોઈપણ બાળકની શૈક્ષણિક સફળતામાં કોઈ વ્યક્તિના કે માત્ર બાળકના જ પ્રયત્નનું પરિણામ નથી હોતી, તે તેના માતા-પિતા, શિક્ષકો, શાળા અને પરિવાર બધાના સહિયારા પ્રયત્નનું પરિણામ હોય છે.

• આપણે ત્યાં શિક્ષણના મુખ્ય સ્ત્રોત તરીકે શાળાને સ્વીકારવામાં આવે છે. બાળક શાળા એ જવાનું શરુ કરે એ પછી જ તેના પધ્ધતિસરના શિક્ષણની શરૂઆત થાય છે. શાળા એ બાળકના શૈક્ષણિક વિકાસનું અભિન્ન અંગ છે.

• બાળક સારુ શિક્ષણ મેળવી સફળતા પ્રાપ્ત કરે એ દરેક માતા-પિતાનું સ્વપ્ન હોય છે. પોતાનું બાળક શૈક્ષણિક તથા સાંસ્કૃતિક રીતે પ્રગતિ કરે તે માટે દરેક માતા-પિતા ખુબ મહેનત કરતા હોય છે. આ દરેક તબક્કે શાળા અને શિક્ષકો ખુબ જ મહત્વપૂર્ણ ભાગ ભજવે છે. શિક્ષકો અને શાળા બાળકની શૈક્ષણિક સફળતા વચ્ચે સેતુ સમાન કામ કરે છે.

'પ્રત્યક્ષ અને પરોક્ષ રીતે બાળકના જીવનને ઘડવાની પ્રવૃત્તિ એટલે શિક્ષણ.'

• શાળાની ભૌતિક સગવડોથી પ્રભાવિત થવાના બદલે શાળાના બૌધિક અને ભાવનાત્મક વાતાવરણને પણ માતા-પિતાએ ધ્યાનમાં લેવું જોઈએ. બાળક જે શૈક્ષણિક વાતાવરણમાં જાય છે. તેના વિશે સતત જાગૃત રહેવું જોઈએ. બાળક માટે શાળાની પસંદગીથી લઈ, બાળકના રોજ દરરોજના શૈક્ષણિક કાર્યમાં માતા-પિતા એ કાળજી રાખવી જોઈએ.

• કોરોના જેવી મહામારીની વિકટ પરિસ્થિતિમાં જયારે બાળક શાળાએ નથી આવી શકતું ત્યારે બાળકોનો શાળા અને શૈક્ષણિક કાર્ય સાથે સેતુ જળવાઈ રહે એ માટે શાળાએ બાળકોને યોગ્ય વાતાવરણમાં અવનવી ટેકનોલોજીનો ઉપયોગ કરીને શિક્ષણ પૂરું પાડયું છે અને બાળકોને સતત કાર્યરત રાખ્યા છે.

• શૈક્ષણિક સંસ્થાઓની આવી કેટલીક બાબતો છે, જે બાળકના ભણતર પર ગાઢ અસર કરે છે.

• આમ, શાળા એ વિશ્વની સૌથી મુલ્યવાન વસ્તુ છે, કારણકે તે માનવજીવનના સર્વાગી વિકાસ માટે કામ કરે છે.

'પાઠશાળા વિશ્વનું પવિત્ર અને સૌથી વધુ અસર કરતું પરિબળ છે.'