બાળ કેળવણીમાં સમયનું મહત્વ

'કલ કરે સો આજ કર, આજ કરે સો અબ...'

• સમય એટલે સંસ્કૃતમાં મૂળ ‘સમ’ પરથી આવેલો શબ્દ છે. સમ એટલે એકધારૂ, સમાન, નિત્ય.

• સમય અને જીવન બંને અમુલ્ય છે. સમય એ માનવ જીવનને અસર કરતું સૌથી મહત્વનું પરિબળ છે.

• “સમયનો યોગ્ય ઉપયોગ એ સફળતાની ચાવી છે, સંસ્કારનું પ્રતિક છે અને પ્રગતિનું લક્ષણ છે.”

• કહેવાય છે કે ગુમાવેલી સંપતિ કે લક્ષ્મી પ્રયત્ન કરી પાછા વાળી શકાય છે. પણ ગુમાવેલો સમય પાછો મેળવી શકાતો નથી.

'સમય એક શ્રેષ્ઠ શિક્ષક છે, જે સમય શીખવી શકે એ કોઈ ના શીખવી શકે.'

• અમૃતા પ્રીતમએ સમય વિષે કહ્યું છે કે ‘સમય પર તે જ સવારી કરી શકે છે જે સમયની લગામ પકડી રાખે છે.’

• સમય એ કોઈના માટે રોકાતો નથી સમય એ સૌને માટે સમાન તક લઈને આવે છે અને જે તેનો યોગ્ય ઉપયોગ કરે તે એનો ફાયદો મેળવે છે.

• બાળ કેળવણીમાં પણ સમયનું આગવું મહત્વ છે. માતા-પિતાએ નાનપણ થી જ બાળકને સમયનું મહત્વ સમજાવી નૈતિક મૂલ્યોનું સિંચન કરવું જોઈએ. બાળકનો ઉઠવાનો, ખાવા-પીવાનો, રમવાનો અને ગૃહકાર્ય કરવાનો સમય અગાઉથી જ નિર્ધારિત કરી રાખવો જોઈએ. જેથી બાળક દરેક કાર્ય પોતાના નિયત સમયમાં પૂર્ણ કરતા શીખી શકે.

• માતા –પિતા આળસ ન કરી સમય નો સદુપયોગ કરીને સફળતાના સોપાન સિદ્ધ કરે ત્યારે બાળક પણ સમય મેનેજમેન્ટના પ્રત્યક્ષ પાઠ તેમની પાસેથી શીખે છે.

• આમ, જે સમયનું મુલ્ય સમજે તેને સમય પોતે જ મુલ્યવાન બનાવે છે. જે સમયને માન આપે છે. તેને સમય પણ માન આપે છે.

'સમયની પાસે એટલો સમય નથી કે તે વીતેલો સમય પાછો આપી શકે.'